話說有日見到點籽喺門口擺檔free嘢，幾個街坊忽發其想不如做次大型少少嘅free嘢市集，之後搵咗我哋合作，仲得到各方支持，佢哋就夾手夾腳搞咗今次「Free Yeah!西貢環保二手市集」！ 近年社區多咗好多free嘢page或群組，街坊將已不需要的物品free出，令物件可重生，好一個永續社區的模樣但講到尾最重要都係嗰句：「源頭減廢」「減少包裝」→裸買好重要！ 「可持續社區」（Sustainable Community)係今次活動的大主題！現時正收集在地二手衣物（直至20/1），活動當日會義賣大家free出物為西貢社區組織籌款，達致取之社區用於社區。除此之外仲有環保市集、寵物領養、放空空間、工作坊等！