你對河溪嘅印象係咩呢？有好多魚喺度游嚟游去啦，或者係有水鉸剪喺水面上面滑行？河溪除咗佢哋之外，其實仲有好多生物喺入面住㗎。早前我哋嘅大專生種子導師就已經接受咗大概40小時嘅培訓，已經一窺河溪生物多樣性嘅奧秘！今次不如由佢哋帶大家去探索一下住喺大嶼山河溪入面嘅水生昆蟲啦！ 由2月開始，我哋會舉行一連場免費嘅河溪甲蟲公民科學活動，種子導師們仲為咗呢個活動精心設計了幾個可以喺河溪進行嘅小遊戲。第一輪2月至3月嘅活動由今日起開始接受報名啦，名額先到先得，手快有手慢無啊。 活動目的 探索大嶼山河溪濕地環境，認識獨特的水生昆蟲生態及多樣性 由大專生種子導師帶領公民科學活動，體驗水生昆蟲的生態調查 收集數據，共同建構首個大嶼山水生甲蟲的生態數據庫