元宵節好快就到啦！黃大仙區議會聯同黃大仙民政處及各大地區團體喺月日至日舉辦一連三日嘅「黃大仙元宵燈FUN樂市集」，同大家一齊歡度元宵佳節，率先為大家介紹市集「好玩、好買、好食」嘅地方！

市集喺黃大仙廣場舉行，設有約個售賣特色小食、文創手工藝品 、飾物 、擺設同中國傳統文化藝術(包括漢服造型體驗)嘅攤位，當中唔少商戶來自黃大仙，商戶仲會提供優惠折扣同各式商品，務求令大家「食餐飽、買餐飽」！

指定時段大會仲會免費派發印有黃大仙區可愛吉祥物「獅子仔」造型嘅車輪餅，記得唔好錯過！現場仲有傳統技藝及手作工作坊(如剪紙、香囊及書法字畫)同文藝匯演，無論係情侶、三五知己定係親子家庭都適合參加！

另外，元宵節梗係唔少得花燈 同琳瑯滿目嘅燈飾！特別設計咗「花燈牆」 ，喺必到嘅「打卡」位！場內當然唔少得小朋友最鍾意嘅「兒童遊樂區」，提供爆谷、棉花糖、扭氣球、夾公仔機同一系列嘅互動遊戲，一次過滿足大朋友同小朋友食、買、玩三個願望，保證大家玩得盡興！

我哋仲準備咗由區內中小學及幼稚園學生精心設計、獨一無二嘅「獅子仔」紀念品！今年元宵佳節齊來黃大仙，一起感受節日氣氛同黃大仙嘅獨特魅力，到時見！