有冇諗過行山都可以同時行善？由 #鐘聲慈善社 首次舉辦嘅「聲」伴同行慈善步行日即將喺3月17日西貢北潭涌舉行，鼓勵大家積極運動，保持身心健康，齊齊以「腳」會友，「行」善積福！ 步行活動將設兩條路線俾參加者選擇，同步喺西貢北潭涌為起點，以萬宜水庫西壩為終點。其中 #親子路線 即麥理浩徑一段約一小時路程，路況較為平坦，適合一家大細、長者小朋友同遊；#體驗路線 就會較多梯級同山路，但勝在風景超正！參加者可以按個人能力、時間同同伴情況選擇合適路線！大會仲會設置打卡點，等大家拍照留念！