今年中秋，LOCOLOCO 將會與中環夏誌合作，喺中環海濱活動空間舉辦大型文創市集，活動約有 150 個品牌參與，更係好罕有嘅海邊中秋夜市！ 中環海旁本身就係賞月勝地，加上今次活動除咗市集之外，現場仲有其他豐富嘅活動同佈置打卡位，相信會幾好玩！ 其中節目包括： ・山系野營 (在鬧市中仰望夜空賞月) ・光林及仙人掌叢林打卡佈置 ・玩野樂園 (噴水和吹氣玩意，小朋友放電用品) ・香港霓虹 (霓虹招牌展覽及導賞) ・夜光星球工作坊 ・風鈴彩繪工作坊 ・浮游花瓶工作坊 ・日式釣水球體驗工作坊 ・多個精彩表演 (活動詳情將稍後公佈) 市集將以「城市小出走」作主題，配合今年中環夏誌打造的「城中野」，希望客人可以喺市集放慢腳步，暫時遠離城市生活的各種煩囂。市集三天將會設有三個小出走主題，分別是露營篇﹑賞月篇及放空篇 一年只搞一次嘅中環夏誌，仲要撞啱中秋佳節，可以喺中環海濱活動空間邊賞月邊逛市集，有 feel 又夠 chill 嘅夜市，免費入場㗎！記住 mark 實日子過嚟逛逛喇！ 相關活動 中環夏誌 2022 詳情：https://timable.com/event/2219922