好鍾意巴士呀？咁就記得嚟 中環夏誌 Central Harbourfront SummerFest 睇「One Citybus」展覽喇！ 由 6 月 9 號至 7 月 23 號期間，新巴城巴將會喺中環海濱活動空間展出多部古董巴士及現役巴士，仲特意復修咗曾經效力中巴、新巴嘅兩朝元老 — 珍寶巴士，同大家一齊回顧港島專營巴士公司嘅演變！想再深度了解新巴過去 25 年嘅服務，仲可以搭「再見新巴」開篷巴士限定路線 H1B，車身仲會重現新巴 1998 年接棒時嘅形象添！ 現場除咗展出珍貴巴士同影相打卡位外，喺 6 月 16 - 18 號期間，更設有期間限定店，部分商品會喺現場率先限量發售；同場亦有巴士主題嘅攤位遊戲，向參觀者送上限量紀念品！今次展覽免費入場，大家記得 mark 實日子，到時約定您！ 為方便大家離開中環夏誌會場，新巴 25 號線逢星期六、日及公眾假期指定時段加停中環海濱活動空間（近摩天輪）一帶，直達金鐘、灣仔及銅鑼灣。 中環海濱附近一帶嘅城巴新巴路線 2、11、25 來往金鐘、灣仔、銅鑼灣 4、4X、7、91 來往薄扶林、南區 12 來往半山區 15 來往山頂 722、780 來往東區 H1、H1B 來往尖沙咀（人力車觀光巴士） 溫馨提示： - 請愛護古董巴士及現役巴士，切勿破壞巴士或干擾任何車身按鈕 - 請遵守場內指示或聽從工作人員指示排隊 - 出發前應先留意天氣報告，帶備飲用水或雨具 - 如遇上三號強風信號或紅色暴雨警告，展覽會立即暫停直至另行通知 相關活動 中環夏誌 2023 詳情：https://timable.com/event/2301038