觀塘今個星期五(23/2) 又有好節目！一連兩日嘅嘉年華日接夜夜接日，同你慶祝元宵佳節！

嘉年華由觀塘民政處、觀塘區議會同香港廣西社團總會合辦，喺觀塘市中心自由空間(鄰近觀塘港鐵站及裕民坊)高掛個大紅燈籠，洋溢濃厚元宵氣氛！

現場仲有浪漫打卡裝置，包括桃花林、情人橋、型拱門、攬攬紅Bear等，可以同你嘅「重要另一半」留下倩影！仲有猜燈謎、舞台表演、文化工作坊、主題攤檔等，大小同樂！現場仲有漢服大使講解漢服歷史、穿戴禮儀，畀大家了解更多漢服文化，感受中華文化藝術魅力！

活動將喺今個星期五、六，下午兩點至十點舉行！大家記得約埋親朋好友嚟共度日夜都繽紛嘅元宵啦！