update 25/6/2024:

《音樂出沒let's play together》演唱會宣布加開7月19日場

update 15/6/2024:

青春總是充滿回憶，當Chantel姚焯菲、Yumi鍾柔美和Windy詹天文三位美少女合體開演唱會更會帶給大家無限回憶，她們將於7月20日在麥花臣場館舉行《音樂出沒Let’s play together》演唱會，在舞台上以各自的首本名曲，還有排舞師精心編排的勁舞，再加上特別安排的意外驚喜、不單止和大家一起歡度暑假，更要帶給大家一個難忘的夏日晚上。

遠在新西蘭的Chantel表示：「顧名思義，Let’s play together 嘅意思就係一齊玩，冇嘢可以好得過係演唱會度見到粉絲都玩得同我哋一樣咁開心，所以非常期待今次演出，希望可以早d返香港投入綵排工作。」Yumi說：「除咗我哋三個嘅首本名曲，我哋仲會唱一d大家估唔到我哋會唱嘅歌俾大家聽，而且仲預備咗特別環節，等粉絲可以睇到我哋嘅努力，為我哋感到驕傲。」 Windy則說：「係夏天開演唱會梗係會有勁歌熱舞，已經同排舞師講要挑戰高難度動作，希望到時觀眾可以企起身同我哋一齊跳，享受現場熱鬧開心嘅氣氛。」《音樂出沒Let’s play together》演唱會尚餘短短一個多月時間便會正式和大家見面，現在Chantel、Yumi和Windy每天也相約好在指定時段和製作團隊進行視像會議，決定歌單、形象、服飾及演唱會流程，務求屆時可以把演唱會做到最好，和觀眾一起享受青春的同時，也希望為她們自己的青春寫下精彩回憶。

詹天文考完DSE出關見粉絲 預告七月聲夢三小花合體開騷

啱啱考完DSE嘅 ＠詹天文 ，呢日久違現身活動同粉絲見面，Windy話等呢日等咗好耐，所以心情好興奮，不過可能太耐冇出席公開活動，所以面對鏡頭笑容有小小僵硬，不過只要一揸住咪唱歌，Windy即刻好有大將之風，仲又唱又跳活力十足，令現場fans大飽耳福。

本身係學霸嘅Windy話，考完DSE之後一身鬆晒，雖然仲未放榜，但自己就唔會諗太多成績方面嘅嘢。考完DSE之後，Windy已經同屋企人去過惠州旅行，佢話依家仲plan緊，希望可以同同學去一個畢業旅行，而自己最想去嘅地方就係日本。

除咗plan緊去旅行，Windy仲預告嚟緊嘅工作安排已經密密麻麻，當中嘅重頭戲一定係聲夢三小花演唱會，Windy話唔止fans期待，佢地三小花都一樣好興奮，所以一定會全力以赴做好個騷。

source：網上

．請勿誤信非官方售票渠道

Follow 埋 Timable 演唱會 FB 專頁：

https://www.facebook.com/timable.hk.concerts