HYUKOH 及落日飛車早前公佈全新聯成合作專輯《AAA》已經引起亞洲樂迷轟動，專輯唯一一首中文〈Antenna〉更請來許光漢和竇靖童共演 MV，簡直係突破次元壁，集大家唔同界別嘅 crush 之大成！

而呢個HYUKOH X落日飛車夢幻嘅 Crossover 依家更進一步，宣佈2024年聯合巡演。Clockenflap Presents 非常興奮地宣佈2024年11月6號，將於亞洲國際博覽館10 號展館舉行是次巡演嘅香港站！。門票將於8月7日早上11點 KKTIX 公開發售。

HYUKOH 同落日飛車嘅淵緣可以回溯到2020年，一個作為韓國最受歡迎嘅獨立樂團之一，一個係台灣最國際化嘅音樂單位，兩邊一拍即合祭出首支合作單曲 〈Candlelight〉，驚喜一眾聽眾。呢個由音樂而催生嘅友誼，發展成亞洲兩大頂級獨立樂團嘅全面合作同深度結合，實在係樂迷之幸！目前其他地方嘅場次全方位快速秒殺，各位香港 fans，大家記住較好鬧鐘，努力搶飛！