由於熱帶氣旋「銀杏」有機會為香港帶來惡劣天氣，為保障所有泳手嘅安全，大會經審慎考慮後，決定取消原定於11月10日（星期日）舉行嘅「新世界維港泳2024」。

所有已報名嘅泳手將獲全數退回已繳付嘅費用，包括：

1️⃣ 報名費（350港元）

2️⃣ 水試費用（150港元）

3️⃣ 如果你有額外捐出100港元慈善捐款，呢筆款項亦會全數退還。

退款安排詳情將稍後於「新世界維港泳2024」網頁公佈，所有已確認參賽資格嘅泳手亦會收到電郵通知。有關下年新世界維港泳嘅安排，泳總將會喺稍後時間公布。

原定同場舉行嘅「第十一屆亞洲公開水域游泳錦標賽」5公里項目亦會取消。

對於活動因天氣關係取消而對各界所造成之不便，我哋衷心致歉，並期望游泳愛好者來年繼續支持新世界維港泳。

一年一度嘅城中體育盛事返嚟啦！今年新世界維港泳以「躍在維港 閃亮全城✨」為主題，4,000名泳手將一齊喺維港激起歡樂閃亮嘅浪花，釋放滿滿正能量，讓全城聚焦維港！

新世界維港泳2024首設「同行者」安排，泳手可「相約」一位親友一同落水，一同游過海！同時，為咗令更多泳手可以參與其中，今年「優悠組」會實行「先水試後抽籤」，大大提高中籤機會！

另一賣點 –– 今年嘅「競賽組」分別設有「公開組」及「第十一屆亞洲公開水域游泳錦標賽」，後者嘅賽道長約五公里，呢項錦標賽相隔12年後再度喺維港上演，大家可以一睹來自亞洲嘅泳壇高手喺維港較量！

今年新世界維港泳以🌟「躍在維港 閃亮全城」🌟為主題，一齊睇下賽事「三大亮點」😎：

1️⃣「優悠組」首設「同行者」👭🏻：今年終於可以二人同行一齊游！優悠組增設「同行者」報名嘅申請方式。如報名者及同行者二人均獲得參加資格，大會將根據兩人喺2023年維港泳嘅完成時間*或2024年嘅水試成績，安排二人喺同一時段出發，以當中速度較慢者嘅成績為準。

有意採用「同行者」安排嘅人士及其友人，必須各自填寫報名表格，並於表格上「同行者」一欄填上對方嘅資料，以便主辦機構核實及作出配對。此外，如兩人中任何一位未能符合參賽資格或未能中籤，放心放心，係唔會影響到另一位嘅參加資格。

你又會選擇同邊個一齊報名呢? BFF、男女朋友、爹哋媽咪、定係你身型健碩嘅上司呢？😏

*成功完成新世界維港泳2023嘅泳手，或持有其他認可成績人士將可豁免水試。

2️⃣先水試後抽籤🗳：所有參加者均須符合大會嘅取錄資格，未有認可成績者，則須通過9月份舉行嘅水試，於45分鐘內完成1,500米。如果符合參賽資格嘅人數超出參賽名額，大會將進行抽籤。而「競賽組」維持不變，男女子組水試成績分別最快嘅首100名泳手即可入圍。

3️⃣「競賽組」增設「亞洲公開水域游泳錦標賽」

「第11屆亞洲公開水域游泳錦標賽」🏆：100名亞洲國家及地區嘅精英泳手將會喺維港一決高下！