🐰玉兔迎中秋環保嘉年華🌝

一年容易又中秋，小編先祝大家月圓、人圓、事事圓，中秋節快樂啊🥮！

 

適逢中秋，當然唔少得食月餅🥮、玩燈籠🏮、同親友聚餐啦，但小編想呼籲大家切勿做「大嘥鬼」，食得晒先至好嗌，仲要拒絕一次性消耗品❌，向螢光棒說不❌！今個9️⃣月份，我哋「綠在屯門♻️」準備咗 #玉兔迎中秋環保嘉年華 同大家一齊歡度佳節💕，等小編簡介一下當日有咩精彩活動先🎊！

 

當日會有 #尋牛記 活動🐮、 #免費二手市集 🎪 之外，我哋仲準備咗 #攤位遊戲 🎯 、 #中秋環保燈謎展，等大家嚟挑戰！另外，仲有由 #屯義工坊 義工們幫手以 #回收物 升級改造嘅中秋裝飾品，用嚟影相打卡一流👍。當然唔少得一向好受大家歡迎嘅 #環保工作坊 ，教大家 #廢物利用 DIY應節環保小物🌟，增加節日喜慶氣氛🎆！

 

✍開心團圓嘅日子，約埋親友好友一齊嚟到 #綠在屯門 迎接中秋喇💚～

 

⚠注意事項：

1.     如有發燒或身體不適，請避免前往「綠在屯門」。

2.     活動期間需按職員指示排隊輪候。

3.     環保工作坊材料由「綠在屯門」提供，活動採用即場報名方式（先到先得，額滿即止）；每名參加者須親身在指定位置排隊等候，並依照排隊次序進行報名。

4.    每節工作坊會於活動前20分鐘開放排隊輪候及報名。

5.     免費二手物市集只會派發，不會進行收集活動。