不停搞觀眾，笑到陰陰痛！

今年4月點解一定要睇《即興之王》?!

呢個演出唔單只入嚟睇，係入嚟一齊玩！

想瘋狂大笑，笑完回味，要睇！

想知棟篤笑以外，咩係單拖喜劇，必睇！

現場爆肚，估佢唔到！

闊別舞台多年，粵港澳大灣區百變舞台喜劇教父詹Sir詹瑞文，潛心10年醞釀新作單拖喜劇《即興之王》，以全新「玩嘢」概念，炮製一場唔係話劇、唔係棟篤笑、唔係獨腳戲，係一場的充滿驚喜的One Man Comedy。

觀眾無王管，詹sir改劇本

本著「即興之道，想做就做」原則，詹Sir帶領全新班底創作一齣用「快樂」做養份、用「生活」做材料、讓你沉浸於120分鐘歡樂時光之中的舞台喜劇！全程你會一齊參予，改變劇情發展，每晚10幾個精彩環節送上「即興」笑彈，當然包括：玩執生、臨場發揮、估你唔到、亂噏廿四、出錯兜尾、玩轉觀眾、即場改劇本等等的驚喜表演。今次演出玩盡「HERE & NOW」，放題笑料令你開心興奮，秒秒鐘體驗乜嘢係「即興之道，想做就做！」。