「古早味美食」就聽得多，「古早味藝術」你又聽過未🖼️？今次誠品以鐵窗花與壓花玻璃做主題，結合 #太古城中心 中庭嘅陽光☀️，帶嚟 #光影打卡藝術，等大家喺香港都體驗到台式情懷！

一入就見到 #鐵窗花打卡藝術裝置，畀你置身喺古早小屋之中，觀賞五光十色嘅 #彩繪玻璃！而 #光影奇景藝術裝置 同 #鐵窗花展覽區，有得享受沉浸式投影體驗之餘📽️，仲可以喺陽光下觀察唔同⾊彩同花紋嘅影⼦，加上外圍嘅燈效同立體觸球打卡裝置，營造不一樣嘅浪漫情懷，絕對要瘋狂打卡！

行完想坐低Chill下☕️？去埋光之Labo Cafe & Bakery，當中 #素啡工場 推出2款展場限定產品，精選嚟⾃台灣咖啡農莊嘅 #特色咖啡飲品，帶嚟創新嘅口感。而 CH.EESE DEPT.就準備咗各款口味嘅⾼質 #罐裝芝士蛋糕，畀你歎住香港品牌嘅咖啡同甜品，欣賞台味滿滿嘅裝飾藝術！現場仲有 #藝術及調香工作坊 同 #限定消費禮遇 等緊你，快啲嚟展開⼀場台灣⽂藝之旅啦💓～