update 20/11/2024:

迪偉終於開show啦！繼2018年《一支弓》之後，迪偉久違6年舉辦一人劇場第二彈《Fabulous Me》。今次迪偉將會繼續用幽默又充滿智慧嘅方式，大爆自身經歷同埋所見所聞，話俾大家聽佢點由一個怕醜仔，成長為一個堅強自信嘅男人，帶領大家進入一場自我發現之旅。

呢場演出並不單只係普通嘅戲劇，而係一場獨一無二嘅劇場體驗。迪偉將會打破「第四面牆」，走入觀眾席，毫不掩飾地尖銳評論觀眾，加上充滿大膽嘅X 級笑話，不經過濾嘅對話，配搭華麗服飾嘅感性音樂演出，既具娛樂性，又能引發思考，保證令你深思、流淚、大笑同反省。

咁別開生面嘅劇場表演，你又點可以錯過。唔使怕醜，一齊體驗被俘虜節奏！

尋日出席咗 #ChessmanHK10thAnniversaryPressEvent 。原來已經加入咗呢間公司一年有多。多謝呢間公司令我過去呢段日子多咗好多工作機會。一齊賺多咗錢固然開心啦，但係最重要嘅係——我覺得呢間公司好有理念、好有心！呢個年代，搵到一間咁嘅公司，其實非常之難得！

希望 #棋人香港 繼續喺香港未來嘅好多個10年，帶俾我哋更多歡樂，更大放異彩！

尋晚仲預祝埋我哋9月之星生日添！

嚟緊2025年1月，公司仲投資幫我搞個人劇場：#余迪偉FabulousMe!

希望到時見到你，同你一齊笑，俾我用「心」去感動你！🙏🏿❤️🙏🏿❤️🙏🏿❤️

source：Yue Dik Wai(FB)