🍂 秋風起，行山季節來臨，即係一年一度嘅「#香港山徑日」活動又嚟喇 🎉！

我哋今年會喺馬鞍山村舉辦「入山隨俗 - 山日會」，有一連串精彩山林活動，歡迎公眾朋友參與！置身青翠山林 ⛰，一邊欣賞馬鞍山美景，一邊學習愛護郊野，歡迎一家大細一齊嚟玩，實踐無痕山林 💚！

活動預告：

⛰ 手作步道及無痕山林山展（山林作打卡背景，分享愛惜山林知識）

🗺 山徑旅人分享會（講解馬鞍山古道歷史、分享海外手作步道經驗）

🛠 山徑維修體驗工作坊（水道維護）

🪨 山徑維修工具 DIY（石籃編織﹑石頭手袋製作）

🧹 馬鞍山郊遊徑 淨山行動

📷 山徑攝影導賞團

📍 自然步道集章挑戰（參與體驗日，換取首個限量版山徑襟章！）

大家快啲記低日子，密切留意綠惜地球 FB / IG 公佈活動詳情及工作坊報名方法，10 月 26 – 27 日，山上約定你 👊🏻！