跑友成日話，唔食飽邊有力跑？然而，喺香港真係有大約165萬人面對住三餐不繼嘅問題，所以食得飽又有得跑其實已經好幸福！既然係咁，就將大家嘅幸福用跑步傳出去啦！聖雅各福群會年度善事GOrun Together 挑戰賽2024將會喺11月17日舉行，分別設10 公里、5公里挑戰賽同2公里親子賽。活動扣除營運成本後嘅所有收益，將會全數撥捐聖雅各福群會食物援助服務，包括眾膳坊食物銀行、全方位網上食物援助平台FOOD-CO等等，鼓勵大眾養成「惜食」同「共享」嘅精神！

想用自己嘅力量幫助有需要嘅人，就快啲報名，一齊為飽而跑！