香港人當車係老婆，有些人對車的感情像寵物。今次The World Happiest Cars 插畫展覧由林瑋鏗Matthew ，跟你分享數他與朋友們的獨一無二的車寫真畫。Matthew 也會為你現場為你的愛車畫下留念的插畫。

林瑋鏗 Matthew

生於1992年香港，就讀香港演藝學院畢業，畢業後徘徊演藝事業工作，主力範疇聲音類型。

而且是一個Lancia Delta的粉絲。空閑時間，會維修及維持香港少數的Lancia Delta車輛。

我自小就浸左喺車嘅世界入面，因為我屋企人好鍾意車，所以我細細個就已經成日喺車房打躉。尤其係一款叫做Lancia Delta嘅車。

誤打誤撞，做做下電影，我就走左去整車，跟住我入咗去一間Production House做，因為嗰時冇咩做，我就喺度畫下車仔。而且好得到同事同埋老闆嘅支持。畫畫下就變成係公司畫下animation，graphic咁。離開咗公司之後，因為畫嘢已經變成我嘅習慣。所以我每日都會攞起支筆畫吓。

我好鍾意用畫車黎感受同埋介紹個車主。正所謂相由心生，車嘅整體都好代表到嗰個人對人生嘅態度。你點樣養佢，你點樣改裝佢。都可以睇得出一個人對人生嘅睇法。

呢個展覽，我係想帶大家進入唔同人嘅世界。等你可以感受一下其他人對車嘅感覺係如何。養小動物同埋養車都一樣，你一開始左就會有唔同嘅情感。有開心，有唔開心。但係，最緊要係個過程。