ABOUT

重塑今年造的兩個系列 < BORED >、< IT's TIME >，
希望能夠再具體一點、活一點。
幻像延伸實體；
我在造自然中的創造，再造我造過的。

STORY

工作室進入第五年，決定回到起點。

今年開始造畫以系列主題為主。從前都是一幅一幅地造，兩星期、到一個月、然後兩、三個月、到用一整年的雕琢；再然後想突破天際，於是用三年時間練習速食之有個靚名叫做「即興」，用最短時間創造最大impact，叫做用力重新適應呢個地方的深層文化，一個完全不在計劃（或者直情是無辦法計劃）的企劃。其實努力適應就等於無法適應，令原本就唔會舒服的旅程增添更多艱辛，可以話活在「生與死」、「善與惡」、「天與地」之邊緣。這四年的拉扯相比果三年肉身之旅，跳躍式的高低跌宕絕對是超越想像地「地獄」。

但我諗，未去過九十年代春運的廣洲東火車站，又點會理解到而家的深圳有幾咁IFC ?! 

Sorry 番嚟先。

工作室是2020年10月10日開波的，今年9月尾開始柄埋，到連電話都熄Q咗佢。心諗，背負著一大舊難攤子、沒有一點光的理想、爭分奪秒的現實衝擊、一幅一幅逼住我抱憾終生的畫面，我決心做一個了結：放棄做一條三文魚，做番條魚毛隨波逐流該是正事。然後在10月8號果晚當我攤喺度接受緊命運安排之時，醒起過兩日就是五周年，突然間就有一滴光入咗來，現實是過兩秒我依舊在計劃了結並沒有很戲劇化的轉變。

就喺2024年10月10日當日中午，無意識地行咗去開咗度門，望一望四周，之後的36小時＋36小時＋36小時＋36小時，就在忘我地工作。如是者直到呢個moment接近另一個36小時。或者是最裡面的自我爭脫咗出來，或者是真喺好撚愛，或者只是純粹硬頸到一個盡頭。

Sorry 醒咗真喺好難瞓得番。

建立其實都易，破壞簡直無難度；難嘅，喺修補。

理論上，對於點樣可以爬出深淵，其實訓練一下幻想力，您係可以飛出嚟，然後用多少少力水仲可以離撚埋地添。

如果現實教我裝睡，那麼就清醒地造夢。

MORE DETAILS