香港人生活節奏急促，大家有冇試過覺得好大壓力，心情低落？其實每個人都會有情緒起伏，照顧心理健康同身體健康一樣咁重要。

為咗喚起大家對精神健康嘅關注，香港精神健康動力基金會特意舉辦「唱好精神音樂會2024」， 希望透過音樂嘅力量，令大家放低煩惱，以正面態度面對生活。今年好高興可以邀請到唱作歌手細貓擔任表演嘉賓，為大家帶嚟一系列觸動人心嘅歌曲，透過音樂展現佢對生活嘅積極態度，唱歌以外，細貓亦會分享個人經歷，鼓勵大家積極面對人生💪！