酒廠清拆預計12月進行。由於酒廠仲有一缸完整龍眼蜜蜂蜜酒，所以我決定逢星期五19:00-23:00開放俾大家上嚟飲酒，「缸門直出」至清完為止。（我相信有唔少連我自己都唔知嘅寶物可以開俾大家飲）

另外收到有心人想了解投資/頂手可否延續酒廠，理論上係可以嘅。但本人能力有限，實在冇辦法一言兩語去解釋成個生意。不過多個人多個腦，有興趣嘅可以星期五上嚟了解一下。我都想幫業主搵個好租客，幫機器搵個好主人。