港鐵列車變身機械人！😲今次，我哋聯乘本地插畫師葉偉青先生創作嘅「 #港鐵重機」系列，打造9款以港鐵列車為藍本嘅機械角色。聯乘企劃喺12月1日起登陸港鐵，除咗有周邊商品推出，之後仲有主題輕鐵同喺港鐵站展出機械人雕塑～ 而且，MTR Mobile登記用戶完成全新電子徽章收集活動「港鐵重機 影•章•賞」，仲有機會得到兩大獎賞𠻹。係咪想睇更多呢？記得留意住我哋嘅Facebook同MTR Mobile喇！

由即日至1月16日，「 #港鐵重機」嘅9款 #列車機械人 仲會變身成立體雕塑同大型車站海報進駐港鐵站！大家去打卡嘅同時，記得玩埋全新嘅MTR Mobile #電子徽章 收集活動「港鐵重機 影•章•賞」，完成之後送你兩大獎賞🎁

📸「 #影」：

7個約1.5米高嘅列車機械人立體雕塑會喺MTR e-Store金鐘站同香港西九龍站門市、紅磡站、香港站同輕鐵屯門碼頭站展出，而另外2個角色就會喺尖東站同大圍站以大型車站海報方式現身。大家一定要去打卡影相喇！

🎖️「 #章 」：

MTR Mobile登記用戶可以喺各角色雕塑嘅展覽場地同海報，掃瞄二維碼收集對應嘅機械人專屬「港鐵重機 影•章•賞」電子徽章。

🎁「 #賞 」：

集齊9款徽章後即可到金鐘站或香港西九龍站嘅MTR e-Store門市兌換雙重獎賞，包括免費「港鐵重機」A4文件夾乙個（價值港幣18元）同埋即時門市購物滿港幣100元或以上即減港幣20元嘅折扣優惠*。