「第三屆紅十字會定向挑戰」返嚟啦！今年邀請到人氣卡通《姆明一族 MOOMIN》Moomin 、「星級大使」 #LOLLYTALK 同我哋一齊玩🥳

今年一樣設有 5個組別，包括：公開組、企業組、樂齡組、青少年組同親子組，只要喺今年12月31日或之前報名任何組別，每隊報名費即可享「9折早鳥優惠」🐣，同埋免費獲得「限定運動速乾毛巾」一條！禮品數量有限，先到先得。

玩法好簡單，大家可以同朋友一齊組隊 (2-4人) 參加，喺明年3月1至2號期間，限時180分鐘內穿梭九龍東各區，由黃大仙玩到觀塘，到訪社區唔同角落，用手機APP完成「線上線下」任務📱，仲可以AR體驗模擬災難下嘅生活困境。

「Stay Strong! 齊撐韌性社區」，快啲召喚你嘅親朋好友，同我哋一齊出動🏃🏻‍♀️‍➡️🏃🏻‍➡️啦！