嚟緊2月15號(星期六)下午1時30分至5時30分，18區日夜都繽紛@「貢」享浪漫 情人節迷你音樂會暨嘉年華 將會喺將軍澳海濱公園（南梯台）舉行。活動由西貢民政事務處主辦、將軍澳文化康樂中心合辦同香港知專設計學院協辦。

當日唔單止邀請咗著名歌手現場表演，仲有合家歡嘅藝術工作坊、互動攤位、免費代寄心意明信片服務，仲可以換領心形氣球、七彩棉花糖、爆谷，最啱帶埋家人朋友嚟一齊玩！而且咁豐富嘅活動係完全免費！大會亦準備咗唔同嘅特色打卡位畀人影相留念，讓大家享受一個充滿愛與浪漫的周末。