天后誕喺農曆三月廿三，香港嘅漁民人數越來越少，但係海上守護神天后娘娘仍然廣受擁戴。每年天后誕，香港各區 70 幾座天后廟都有慶祝活動，其中以元朗花炮會景巡遊同西貢大廟灣慶典最受矚目。 而 2024 年嘅天后誕有少少特別，因為農曆三月廿三就係 5 月 1 日，咁啱就係勞動節，亦係公眾假期。 相傳天后姓林名默，自幼就有預測天氣嘅特殊本領，喺海難中救人無數，過去香港沿海鄉民同漁民都起廟供奉佢，以祈求風調雨順，漁獲豐收。