🌟 起動！機遇無界限！

📢 各位青年朋友請注意！勞工處將喺2月15號 (星期六) 於香港會議展覽中心(會展)展覽廳3G舉辦「青年就業博覽」。活動免費入場🆓，並提供大量本地及大灣區內地城市嘅工作機遇，仲有唔同行業嘅空缺同在職培訓職位畀你即場申請同面試📝💼！

除咗搵工之外，「青年就業博覽」亦設有豐富嘅活動內容，包括就業講座🗣️、課程介紹及就業諮詢服務👥、MBTI ®與職業選擇💭、手作工作坊✂️及見工相拍攝服務📸，適合29歲或以下嘅青年參與。同場仲設有青年創業市集🛍️，記得嚟支持下呢班勇於創業嘅青年檔主！

✨另外，勞工處更邀請到嘉賓Gin Lee 李幸倪及Andy Lai 黎展峯出席活動🤩，同大家分享佢哋發展事業嘅成長過程💪🏻🏆。想聽佢哋嘅奮鬥追夢故事？記得約埋班friend當日早啲入場啦！