土木工程拓展署會喺3月22日再次舉行非常受歡迎嘅東岸板道「#板道Fun享日」，向公眾介紹「#共享徑」嘅使用守則！活動當日，繼續有3重Fun享等住你嚟體驗：

第1重Fun享：專業單車教練Fun享➕單車體驗

前港隊運動員仇多明教練會同大家分享單車基本安全知識，同埋使用共享徑嘅守則。現場預備咗單車 畀大家立即體驗暢遊東岸板道嘅感覺！立即報名參與單車體驗啦！

報名連結： https://forms.gle/qk9zT9jBWcqYBCnY7

第2重Fun享：Fun享寶物小卡

只需要喺活動當日到板道上三個指定位置，學習共享徑資訊，以及完成一個遊戲，就可以為小卡上嘅「工程獅」集齊「笑臉」、「單車🚲」、「護具」及「愛心」四個寶物印章，有機會獲得小禮物一份！

第3重Fun享：Fun享小舞台

當日有超人氣嘅花式跳繩、泡泡及雜耍表演，詳情記住密切留意住我哋專頁喇！

活動如果因天氣不穩而有所改動，大家就要留意我哋喺呢度公布嘅最新資訊喇！