想嚟一場充滿樂趣、健康又有禮品嘅活動？咁你一定唔可以錯過醫健通嚟緊舉辦嘅「e+樂園」由2025年3月17日（星期一）至3月30日（星期日），只要嚟銅鑼灣時代廣場地下有蓋廣場，就可以參與活動。

現場有「醫健通+」資訊展板，介紹「醫健通+」五年計劃下的四大策略方向及九大核心功能，以及醫健通流動應用程式的功能和未來動向。仲有兩大互動遊戲「e+夾夾樂」同「e+接得樂」，令你更了解「醫健通+」最新功能，想知係咩遊戲，咁就要嚟現場體驗喇！完成指定任務後，仲可以拎到豐富禮品㗎！ （禮品數量有限，送完即止）
你仲可以用喺「e+生活」健康挑戰中賺取嘅健康積分即場換領精美禮品，同場仲會有「e+ 去公園」嘅限定任務，俾你贏取更多健康積分。

現場當然唔少得醫健通流動登記隊協助你哋登記醫健通。宜家到5月31日，父母成功為16歲以下子女登記醫健通同添加為家庭成員後，子女會獲得1500健康積分。另外，宜家到7月31日，父母成功為1歲以下嘅初生嬰兒登記，仲可以額外獲贈限量版「初生嬰兒禮盒」

快啲帶埋家人、子女同朋友，一齊參加「e+樂園」哩個充滿樂趣同活力嘅活動啦！

*「e+樂園」嘅舉辦日期同時間或因應實際天氣而作出調整，請密切留意醫健通Facebook 及Instagram專頁發佈的最新安排。