5月1號！CHILL級啟德運動祭 Fit-Mark Event會係啟德體育園舉行

今次嘅運動祭會有兩項賽馬會好動城市盃嘅賽事：包括女子五人足球挑戰賽同男女子三人籃球挑戰賽！另外仲有沙灘排球同樂日同大家試玩沙排，最後仲會玩吓fun game！啱晒想參加比賽嘅你，大家記得留意我哋宣傳仲可以透過 @jcfitcity 嘅手機應用程式留意最新資訊呀！除咗以上嘅團隊競技比賽之外，我哋運動祭仲有適合一家大細嚟玩嘅定向挑戰活動同埋運動嘉年華，可以藉此機會探索啟德體育園，同埋玩吓運動攤位測試自身運動水平，完成任務後仲可以換取精美禮品㗎！

當日我哋仲邀請咗金牛女孩啦啦隊Taurus過嚟表演，而我哋三個活動場地 ( 啟德體藝館 - 習藝坊、北斗園 - 沙灘球場、有蓋硬地球場）喺唔同時段都會進行運動挑戰！如果你想體驗做運動嘅樂趣同時欣賞熾熱嘅啦啦隊表演，就千祈唔好錯過喇！