喺5月8號，我哋就會聯同明愛社區發展服務係西九龍中心舉行「嶺創明天社區 Level-Up 計劃」市集、嘉年華、展覽同啟動禮！

係市集區入面有會各種可持續產品，由劏房住戶以及婦女主導嘅升級再造手工藝品，仲有雷射切割攤位！而舞台區入面就有物理治療師痛症處理分享、護理員減壓拉筋工作坊，仲有唔同青年團體嘅現場音樂表演，其中就包括咗 #長沙灣天主教英文中學嘅同學仔 ，等大家係學嘢之餘都可以放鬆下自己！另外喺展覽區設有展板介紹我哋嘅計劃以及同劏房相關嘅背景資料。現場亦設有Din Dong打卡位！希望大家打卡之餘都可以關心我哋社區同埋弱勢社群嘅需要～再次感謝呢個計劃獲得社創基金，政府資助計劃以及樂施會嘅撥款資助。 同時都好感謝明愛社區發展服務成為計劃嘅戰略夥伴，獲得佢哋嘅全力嘅支持，一齊幫助基層社群，為佢哋帶來希望。