想唔想同運動細胞爆燈嘅胡子彤，仲有舞台王者Gao@COLLAR近距離接觸？機會嚟喇飛雲！FITizens而家有機會近距離見到偶像，仲可以同偶像一齊Fit Friday！

今次兩位星級嘉賓會親身落場，同現場觀眾大玩遊戲式運動挑戰，玩轉全場！做運動都可以好好玩㗎！一齊玩住建立健康好習慣！現場仲會公佈更多嚟緊舉辦嘅Fit Friday活動！想知係咩？到時咪知囉！記得用JC Fit City 應用程式報名啦！活動名額有限，先到先得。成功報名嘅 FITizens 會喺7月10日或之前收到確認，活動當日記得提早30分鐘到場換飛入場呀！緊接住星級揭幕戰，仲有 「香港跳繩邀請錦標賽2025」 盛大開幕！ 來自澳洲、韓國、日本、泰國等地嘅頂尖高手雲集，同香港代表隊上演花式對決，為月底嘅世界賽熱身！絕對係世界級嘅視覺盛宴，唔可以錯過！