由 YM Fleur 花樂誰家 舉辦嘅「生花．滿墟」計劃，獲得市區重建局「藝術文化融入舊區」夥伴項目全力支持。計劃從2024年12起開始，為期九個月，與位於花墟嘅花店合作回收鮮花，並以花藝連繫社區，訴說太子區居民嘅故事與情感！

嚟緊8月9日(六)至15日(五)，你仲可以走進618上海街參加「生花．滿墟」社區展示日，感受藝術與太子花墟社區如何融合，通過欣賞居民嘅精彩創作，發掘社區隱藏魅力！活動唔止係藝術展覽咁簡單，更加係一個社區連結嘅平台。透過居民嘅創作，我哋可以深入了解太子區嘅文化底蘊同人文故事一起探索藝術與社區火花！