Update ：
鹽田梓表演藝術節延期通知

根據香港天文台最新消息，10月4號至5號將受熱帶氣旋影響，預計期間天氣惡劣。為保障參加者安全，船家已決定於上述日子暫停船班服務，因此原定於本週末舉行之藝術節將會延期 。活動將改期至 10月7日（星期二，中秋節翌日，公眾假期） 舉行，詳情即將公布，敬請留意。已購入4、5號船票之觀眾，稍後可透過Art-mate作出改票/退款事宣，詳情將於ig/fb公布。原定於10月5日晚上舉行的「中秋迎月派對」亦將改期至 10月7日晚上舉行，並更名為「中秋追月派對」！10月11、12日的節目將如期舉行, 不受影響。感謝各位的理解與支持！如有任何查詢，歡迎與主辦單位聯絡。P.S. 迎唔到月，但我地仲有希望！！！ 追月派對 見呀各位

10月4-5日、11-12日連續兩個週末約定你一齊登陸西貢小島，參加以「希望」為主題嘅藝術盛宴！今年共有29個本地及海外藝團帶來戲劇、舞蹈、音樂、視藝及綜藝演出，大人定細路、同老best定同老人家嚟都一定搵到啱你嘅節目～

聖若瑟小堂、澄波舊校、客家村屋，以至成個小島通通化成舞台，可以感受藝術同自然相遇嘅魅力之外，又可以置身神秘、獨一無二嘅期間限定環境「演區」！到時仲有客家市集，村民公開客家手工藝秘訣！親自教你整茶粿、編花帶，傾吓偈話唔定仲可以學返兩句客家話。平時嚟鹽田梓都要趕尾班船走，睇唔到日落… 今次特別為你加開6點船！有得喺島上面睇埋日落、打埋卡先慢慢走～ 仲有夜晚限定節目：中秋迎月晚會，食個客家飯、喺小島過一個又Chill 又浪漫嘅晚上！節目太豐富一次過講唔晒，密切留意我哋，快啲mark定日子，一起踏上希望之旅吧！