樂迷注意！ Men I Trust 將會帶住佢哋嘅「Equus Tour」返嚟香港喇

由 2019 年 Clockenflap Presents 帶嚟嘅 intimate 專場，到 2023 年 Clockenflap 音樂節上令人難以忘懷嘅演出，Men I Trust 喺我哋心目中總係有個特別嘅位置 而家，佢哋正式宣布將於 2026年1月29日 返嚟香港做專場喇！呢隊嚟自加拿大嘅三人組 —— Emma Proulx（主唱、結他）、Jessy Caron（低音結他、結他）同 Dragos Chiriac（鍵盤）—— 自 2014 年起，佢哋將 Dream Pop、Indie-Funk 融合成夢幻又迷人嘅聲音，低調而深刻咁影響住整個獨立音樂圈。樂隊以一手包辦作曲、錄音到混音聞名，展現出超越流派界限嘅成熟魅力。無論係充滿畫面感嘅作品，定係低調而極具感染力嘅現場，佢哋都保持住一貫水準。主唱 Emma 標誌性嘅迷離唱腔，配上令人沉醉嘅旋律，果種優雅、真實而親密嘅音樂體驗，令大量全球樂迷紛紛入坑。2025 年 Men I Trust 推出咗兩部曲專輯《Equus Asinus》同《Equus Caballus》，今次嘅「Equus Tour」將會係樂迷第一次，可以親身喺現場感受《Equus Asinus》（驢）帶嚟親密、充滿民謠氣息嘅溫暖，同埋《Equus Caballus》（馬）嗰種更宏大、更富氛圍感嘅領域。能夠親眼見證呢兩種截然不同嘅又互相緊扣嘅能量喺舞台上點樣交織，將會係一次獨一無二嘅體驗。Clockenflap Presents 好興奮可以再次將 Men I Trust 帶返嚟香港，大家絕對唔可以錯過呢場演出啊！．請勿誤信非官方售票渠道Follow 埋 Timable 演唱會 FB 專頁：
https://www.facebook.com/timable.hk.concerts