Update 11/10/2025
今年嘅裸買生活節準備咗唔少精彩活動，希望大家可以喺一個開心愉快嘅氣氛下體驗裸買樂趣，仲可以學到可持續消費嘅概念！

裸買市集：超過30個裸買攤檔，包括個人護理、食品雜貨、衣服飾物等等，等你嚟發掘！精彩表演：有精彩音樂、環保樂器、魔術等表演節目一齊感受愉快同熱鬧氣氛！升級工作坊：一共4場免費工作坊，啱哂大人小朋友！包括萬聖節造型筆座、紅酒塞照片座、蜜蠟布，仲有手部按摩教學！快啲去我哋嘅 Google Form 報名啦！環保教育展覽：展示裸買嘅環保知識，由專人帶領「裸買生活探索之旅」導賞，等你可以更加了解無包裝購買嘅優點同實行方法。免費爆谷／棉花糖：完成小任務同遊戲就可以免費獲贈爆谷或棉花糖啦～----------
「裸買生活節」載譽歸來！綠領行動誠邀你一齊推動裸買及綠色消費！ 邁進第四屆，除咗有裸買市集攤位、綠色工作坊同環保教育展覽外，今年仲新增咗精彩表演同攤位遊戲，等大人小朋友都玩得盡興！檔主要有60%或以上產品以「裸賣」形式參與，即唔用任何包裝銷售，同時我哋亦鼓勵顧客自備容器，齊齊為環保出一分力！