身為卡通同動漫嘅忠粉，#動漫狂迷 都好想將呢團火傳畀下一代！一於帶埋小朋友嚟一田玩具展，同佢哋上返堂動漫學前班！

玩具展結合 2 大元素，包括小朋友好鍾意嘅麵包超人同 Qman Keepplay 積木！喺麵包超人展區，最吸引嘅當然係玩具、毛公仔、同埋俾小朋友益智動動手嘅積木產品喇！仲想畀小朋友放吓電？場內仲有麵包超人駕駛學院，喺專屬賽道區內小朋友可以坐上各種麵包超人車仔，享受「細」界級駕駛樂趣！指定日子麵包超人仲會同埋細菌小子出巡，消費滿指定金額就可以同佢哋一齊玩，影張相！Qman Keepplay 展區同樣精彩，由積木砌成嘅巨大化蠟筆小新公仔等緊你同佢打卡，仲有多個角色包括Sanrio、Pokémon同 ULTRAMAN 等等嘅積木畀大家試玩！當然唔少得會場專屬折扣優惠喇！記得一家大細早啲嚟，搜購戰利品返屋企啦！麵包超人見面會
日期：26/10, 2/11
時間：2:00pm - 2:30pm, 4:30pm - 5:00pm
*即日於場內消費 $200 即可參加