想感受下最in未來科技，又想玩住體驗低碳生活？今年「零碳未來出行展覽」就啱哂你啦！除咗有熱門電動車，現場仲有最新無人駕駛車輛， 唔同類型嘅機械人同無人機畀你近距離接觸！一連日喺零碳天地綠油油草地等緊你，一齊投入智慧出行新時代！

重點內容：
「龍吸水」同「小禹1號」排水機械人首次公開亮相，一齊見證水浸剋星實力！
無人駕駛車輛，探索智能交通新方向
零碳氫能無人機，帶你領略新能源飛行方式
新型機械狗，AI機械如何融入日常生活
互動遊戲攤位，開心玩轉個週未
STEAM趣味工作坊，學習成為小小科學家
「特務零零『碳』」巨型棋盤打卡專區，邊玩邊學低碳知識
現場限量驚喜禮物，快啲嚟搶！