各位朋友仔～ 有個好消息想話畀大家知，東江水供港60周年同樂日而家可以開始預約喇！ 今年係東江水供港60周年，為紀念及慶祝哩個重要嘅里程碑，水務署將會喺2025年12月14日（星期日）喺將軍澳海水化淡廠舉辦「東江水供港60周年同樂日」。現場設有專題展覽、攤位遊戲、表演、紀念活動回顧等，宣揚東江水為香港注入生命力、正能量及社會共融嘅文化氛圍，等市民可以深入了解東江水供港嘅歷史同意義，以及節約用水嘅重要性。巿民亦可參觀海水化淡設施，了解食水處理過程，包括逆滲透技術和相關科學知識。