全新「QK POST巡迴展—『理』最識食」喺銅鑼灣時代廣場正式登場啦！

講起香港嘅特色美食，大家第一時間會諗起邊款？係金黃香脆嘅菠蘿包、香濃幼滑嘅奶茶、定係彈牙鮮味嘅魚蛋？要炮製呢啲地道美食，除咗靠師傅嘅手藝，更要掌握當中嘅科學祕密！「QK POST巡迴展—『理』最識食」以香港特色美食為主題，帶你從科學角度拆解食物嘅製作過程，睇下唔同嘅化學反應同微生物作用，點樣影響食物嘅口感、氣味同風味，讓你了解每一啖滋味背後嘅奧祕！展覽由即日起至明年2月，會陸續巡迴到唔同地區，話唔定好快就嚟到你附近！之後幾站仲會有假日限定嘅手作活動，大家可以親手製作同展覽相關嘅紀念品，邊玩邊學更多有趣科學知識！想知我哋下一站去邊？記得密切留意科學推廣組嘅社交媒體同網頁啦！