經過一段時間嘅籌備，終於可以同大家公佈哩個好消息，就係由香港明愛主辦，香港西北區扶輪社全力贊助嘅《愛的樂章 — 寶血醫院（明愛）慈善演唱會》，即將於2026年3月6日（星期五）晚上8時正喺灣仔伊利沙伯體育館表演場舉行，門票現在正式接受預訂啦！

今次我哋好榮幸邀請到區瑞強，聯同中年好聲音嘅吳大強、龍婷、羅啟豪同支嚳儀，演唱動人心弦嘅中英文經典金曲，以天籟之音傳遞愛與希望。

《愛的樂章》演唱會門票將以「捐款贈票」嘅形式送出，善長捐款達指定金額就可獲贈相應價值嘅慈善門票，數量有限，先到先得。演唱會所籌得嘅善款喺扣除所有必要開支後，將全數撥捐寶血醫院（明愛），用於更換或添置醫療儀器，為市民提供價格相宜而優質嘅專業醫療服務。

誠邀大家踴躍支持，共襄善舉，欣賞悠揚樂韻，同時為有需要人士點亮希望之光。

．請勿誤信非官方售票渠道

Follow 埋 Timable 演唱會 FB 專頁：
https://www.facebook.com/timable.hk.concerts