平時將軍澳街坊習慣係 Facbeook group 交流換物，今次開將希望提供實體平台俾家庭檔主以換物方式，同陌生人交流，過程中探索價值嘅概念

20組家庭檔、分2輪開市，經過開將嘅你，要來參與呢場換物派對喔！

小編早前問咗家庭檔主們，邊件物品對你哋嚟講最有價值呢？大家都分享唔少物件背後嘅紀念價值、情感價值、難忘故事！過嚟同佢哋傾吓、玩吓、幫襯幫襯！

交換玩法好簡單，你可以選擇：

1.以物易物

歡迎你用隨身物品同檔主現場交換！檔主可以用自己啲貨同其他檔主交換，直到你換到最想要嘅寶藏！

2.金錢交易

有部份寶物係有定價架！不妨同檔主講吓價，睇吓有無機會購入鎮店之寶！

3.運用創意貨幣

如果你手上無錢錢、無物件交換都無緊要！你可以試試用創意貨幣作為交換籌碼（即係技能、故事、經驗、時間，呢啲全部都有價值架！）

唱一首歌 、講一個秘密俾檔主知

介紹將軍澳好好味既餐廳俾檔主 、陪對方係公園玩10分鐘

只要雙方同意，你就可以達成交易啦～

✮ 換物派對帽子製作 x 童心隨畫將軍澳 ✮
盲繪小練習（Blind-drawing) | 派對帽 DIY | 開將外牆隨心畫 (插畫家在場！)
時間：16:45 - 17:45
地點：開將舖內假草皮
名額：8-10位小朋友（無須登記，即場參與）