新春足球盛事強勢回歸！2026 賀歲盃將於大年初五上演，由中國香港代表隊坐鎮主場，迎戰南韓 K 聯賽勁旅 FC首爾。大家準備好入場一齊撐港隊，過一個熱血嘅農曆新年未？

今次賽事雲集兩地球星，一眾港腳將會全力以赴，力求喺主場球迷面前踢出精彩表現。FC首爾實力強橫，絕對係一場龍爭虎鬥，大家千祈唔好錯過！

賀歲盃特別企劃：來自韓國嘅啦啦隊將會空降大球場！

來自韓國頂尖嘅「應援文化」將於年初五正式亮相，將會喺大年初五正式亮相，到時除咗可以親眼見證佢哋嘅舞姿，大家開賽前仲有機會喺球場唔同角落「捕捉」佢哋嘅身影，留低珍貴合照！

想近距離感受韓式氣場？快啲買飛入場啦，話唔定驚喜就喺你附近！

特別嘉賓：𝐂𝐎𝐋𝐋𝐀𝐑
除咗韓國應援團，我哋仲特別請嚟本地人氣女團 COLLAR 擔任表演嘉賓！

年初五當日，COLLAR 將會蒞臨大球場，以舞台魅力為大家加油打氣！想近距離睇到佢哋嘅精彩演出？快啲買飛入場啦！！

一張飛，睇波兼睇表演。年初五，大球場見！

特別嘉賓：𝐀𝐧𝐬𝐨𝐧 𝐋𝐨

教主親臨大球場，我哋宣佈Anson Lo盧瀚霆將會擔任表演嘉賓！

各位「神徒」準備定你哋嘅尖叫聲，感受教主嘅強大氣場同勁歌熱舞！大年初五，香港大球場，呢場視覺同聽覺嘅盛宴，你絕對唔可以錯過！

特別嘉賓：𝐈𝐚𝐧 𝐂𝐡𝐚𝐧

除咗熱血賽事及勁歌熱舞，點少得動人歌聲？我哋好榮幸邀請到 Ian Chan 陳卓賢擔任表演嘉賓。

年初五，大球場除咗有刺激嘅球賽，仲有 Ian 現場為大家帶嚟嘅精彩表演。Hellos準備好一齊喺大球場感受 Ian 嘅魅力未？年初五，一齊入場見證呢個特別時刻！