過去幾年都唔知大家咩樣，今年終於可以名正言順見你一面了！為留係香港嘅你地準備左豐富攤檔同節目，有得玩有得食有得買，仲有特備音樂節目，感謝 @tomo_taihang 同 @chinjorfantong 支持！

以下參展單位：
五味堂 @wuwei.tang

其實新年市集除左為大家提供多個地方遊玩以外，我地更希望透過市集可以令大家更瞭解大坑呢個百年的小社區同埋認識香港的小商戶。相信呢幾年大家都可以見到香港變化了不少。附近都是一式一樣的大商場、檸檬茶舖、我們不熟悉的字。幾年過去，你的好朋友還留在香港嗎？你喜歡的店舖還在嗎？當物是人非，除了懷緬過去，我地仲可以做嘅就係好好珍惜現在。

今個假期遊歷下香港，好好感受下你出生和成長的地方；如果你黎大坑的話，可以由火龍徑開始，經過井字形的大街小巷，看看側面還不是高樓大廈的士多和車房，有百幾年歷史嘅蓮花宮，虎豹別墅，感受今天 *「大坑無大坑」的面貌。

沒有甚麼是不變，所有都是暫時的，捉不住的流逝，變化，蠶食。我地一齊好好珍惜和保留吧～

* 大坑的地名來自當地原本有一條大水坑，這條大水坑由畢拿山開始，途中會流經大坑一帶，最後流出大海。經過都市化過程和填海發展，這條水坑現已被重重的石屎水泥覆蓋，先由水坑變成明渠，再由明渠變成暗渠，而火龍徑前身正正就是大坑明渠。