紅白藍回憶殺襲港！ 西沙GO PARK變身巨型懷舊遊樂場！嚟緊喺西沙GO PARK將會舉辦大型接力跑步比賽暨嘉年華活動，除咗毅力12愛心跑之外，現場仲設置咗多個結合懷舊與現代嘅運動挑戰及活動攤位，一邊玩盡集體回憶Games，一邊做運動！

1.【追車一族「趕地鐵」】
現場還原車廂場景，將經典遊戲爭凳仔升級做趕地鐵版！當聽到廣播，大家就要隨時準備；一聽到「嘟嘟嘟」關門聲，就要即刻爆發衝入車廂霸位！

2.【巨型健身飛行棋 】
飛行棋可能由細玩到大，今次嘉年華出咗8米x8米嘅飛行器plus版，等你挑戰！ 呢度唔止靠運氣擲骰仔，行中地雷格仔仲要罰做Burpees同Sit-ups！快啲約埋班Friend嚟玩，睇下邊個運氣最好、體能最Fit啦！

3.【狗狗同樂跑 】
專為毛孩設置嘅放電嘉年華！帶埋毛孩去西沙GO PARK嘅800米人寵同樂跑，同毛孩一齊衝線！現場仲有狗狗瑜伽同障礙賽 ，一次過滿足晒跑步、伸展同玩樂三個願望，快啲帶毛孩嚟識多幾個新Friend！

同場加映：懷舊遊戲大召集！ 西瓜波神射手、踢毽入飛機欖、抓子只是前菜！現場仲有大量攤位遊戲等你玩！玩完記得去埋小巴牌打卡牆 影返張靚相，仲有豐富禮物同紀念品等緊大家！