一齊嚟體驗蒙古爵士女伶 Enji 嘅「迷人的日常」！來自蒙古烏蘭巴托、而家住喺德國慕尼黑嘅爵士女伶 Enji（恩吉），憑住獨特嘅嗓音驚艷全球爵士樂壇。2026 年 4 月 15號，佢將會首次嚟到香港，喺留白 Livehouse 同樂迷舉行一場私密音樂會。

Enji 好巧妙咁將蒙古傳統「長調」（Urtiin duu）融合當代 Jazz、Folk ，加上佢嘅輕柔嘅絮語，佢嘅音樂被形容為一種「音樂金繼」（Musical Kintsugi）—— 就好似用金粉修補器物嘅裂痕咁，佢用歌聲修補、連結咗唔同文化之間嘅縫隙。

獲英國衛報評選為「最佳全球專輯」之一同埋Bandcamp 2025年 “Essential Releases”之一嘅專輯《Sonor》，探索緊日常生活入面稍縱即逝嘅美，同時反思身分認同同歸屬感，講述遊走喺烏蘭巴托同慕尼黑兩個世界之間嘅複雜情感。金融時報都盛讚佢把聲帶有「草原遊牧儀式歌曲嘅裝飾音同即興色彩」，營造出一種既紮根大地、又如夢似幻嘅獨特 Soundscape。

今次 Enji 會夥拍低音大提琴手 River Adomeit 同埋共同作曲家兼結他手 Paul Brändle，以 Trio（三重奏）形式登場。演出時而低迴、時而緊湊嘅張力，將令呢晚「迷人的日常」變得唔尋常。記得親身嚟現場，感受吓呢位被盛讚為「令人著迷嘅藝術家」嘅魔法啦

．請勿誤信非官方售票渠道

Follow 埋 Timable 演唱會 FB 專頁：
https://www.facebook.com/timable.hk.concerts