「結婚」係一個一生一世嘅承諾，「衣物再造」亦係對愛護環境信守一生嘅堅持。

今個星期六香港理工大學專業及持續教育學院將會連同環保機構Dress Green以及慈濟環保願行館攜手西九龍中心舉辦《時尚未來造型達人暨模特兒大賽》，一班香港理工大學專業及持續教育學院大專生化身成婚紗設計師及模特兒，於Dress Green嘅專業裁縫指導下親自將二手衣物改造成婚紗，再由學生模特兒穿上走秀，藉此向大眾推廣衣物源頭減廢及可持續時裝嘅理念。慈濟環保願行館更會於場內展示由回收膠樽製作的救災服，讓大眾深入了解以愛心救災嘅同時，如何透過資源回收減輕對環境嘅負擔。

無論您係時裝愛好者，或者對衣物再造同埋環境保護有興趣，都歡迎過嚟參與，一齊了解更多！