今個復活節，PopWalk 有一系列超豐富嘅兔兔主題復活節嘉年華舉行，mark 實今個星期週末啦！活動亮點搶先睇：

室內專區

兔兔領養：嚟待家兔兔區見兔兔，準備好嘅可以畀佢哋一個溫暖嘅家！

獸醫義診諮詢：專業獸醫駐場，為你家兔兔健康把關。

藝術點綴：有 Jessica 為大家畫靚靚 Face Painting，仲有 @cannamirai 嘅超神似寵物速畫！

攤位遊戲

由救世軍大窩口青年中心，香港基督教女青年會將軍澳綜合社會服務處及喇沙書院帶嚟，一家大細都啱玩嘅攤位遊戲，贏取可愛兔兔周邊！

玩樂與打卡

彩蛋兔聚樂園：兔兔專屬遊戲區，兔兔都可以出街放電！

慈善攝影：捕捉同主子嘅溫馨時刻，收益全數撥作動物救援。

丁丁兔打卡位：期間限定嘅打卡位，丁丁兔以超可愛檔主造型登場！

仲有工作坊體驗同多元化市集～快啲約埋朋友仔今個 Weekend 過嚟啦！