康樂及文化事務署（LCSD）與香港知專設計學院（HKDI）合作，策劃《流行盲盒》戶外裝置展覽，由新生代設計師操刀，由音樂、時裝、空間設計、漫畫到IP文創，全方位解構香港流行文化嘅多元面向！ 

現場將設有4個特色展櫃：

🔹 以民間故事《十兄弟》為靈感嘅全新玩藝 IP，配合原創漫畫，將經典角色變身潮流玩物

🔹 經典電影場景融合霓虹燈元素，重現香港街道絢麗景致，打卡必到

🔹 超現實前衞時裝櫥窗設計，將奇幻電影角色元素轉化為當代剪裁同細節

🔹 跨年代香港女歌手經典黑膠唱片封套 x 虛擬歌手作品，復刻每一個動人舞台形象，向多位樂壇天后經典造型致敬。 

康樂及文化事務署透過「香港流行文化節」推廣本地流行文化，促進傳承與創新。今年以「超乎想像」為主題，從不同面向展示香港獨特的文化魅力。

HKDI 貫徹為學生提供多元化實踐機會嘅理念，等佢哋喺在學時期已經可以參與業界創作，累積實戰經驗。今次由我哋嘅師生同畢業生參與策劃，將課堂所學轉化為真實作品，爲參觀者帶嚟視覺同聽覺嘅雙重驚喜！ 

一齊嚟打開《流行盲盒》，體驗超乎想像嘅香港流行文化！