【開檯唔打牌！】本地原創 Boardgame 市集殺入城寨！
機會嚟啦飛雲！
星期日唔想悶喺屋企？不如上嚟山林道「九龍城寨」玩鋪大嘅！

城寨破天荒變身做桌遊大本營，搞全港首個「全部檔主都係香港原創桌遊師」嘅市集！平時玩開外國 game，今次一於撐吓香港 Local 創作！現場唔單止有得買，仲有專屬試玩區，俾你直接捉住啲設計師同畫師瘋狂交流。一條友驚毒自無聊？唔怕，城寨最講人情味！我哋準備咗交友角落同嘴炮大賽，包你玩到唔捨得走！

驚喜放送：今期贊助「脆片仔」！
講明開 Party，點少得零食？今次活動有「脆片仔」強勢贊助，當晚全場會有招牌薯片提供！一邊食脆片仔，一邊同班 Friend 玩 Game，爽呀！

當日城寨好玩 Check-point
《9UPPER》九嗡寨主比賽 ── 自認嘴炮王、吹水唔抹嘴？過嚟挑機贏獎品！
《1/1024》交友角落 ── 缺腳？想識新 Game 友？入嚟實搵到人陪你玩！
創作人心聲 ── Johnny Yeung 即場分享《孵化進行式：打造我的原創魔物桌遊》，想出自己 Game 嘅朋友必聽！超強本地原創陣容：
Chaos‘ Gate Game、TIME2PLAY GAMES、Studio 1024、Board Game Design Explorer、Eyolution Games、Super Egg Creation！重點嚟啦：
入場費只係 $20！重點係 $20 可以全數當即日飲品現金券用 ！即係當買杯嘢飲就入得場玩足大半日，12歲或以下小童仲要免入場費，抵到爛啦！星期日，約埋班 Friend 一齊上嚟「開檯」啦！