今個星期日（6月21日）就係父親節啦！仲未諗到帶爸爸去邊度慶祝？不如同家人一齊嚟荃灣公園，度過充滿意義又有型嘅假期啦！

由消防處主辦、香港賽馬會慈善信託基金捐助，並由消防處社區應急先鋒名譽會長會（荃灣區）協辦嘅「荃灣區防災應急嘉年華2026」將會喺荃灣公園中央廣場舉行。現場除咗有救援示範同消防及救護車輛展示，仲會有滅火輪參觀添。同爸爸及家人一齊輕鬆掌握防災應急資訊，絕對係慶祝父親節嘅最佳行程！

精彩活動包括：

滅火輪參觀

水上救援示範

消防及救護車輛及工具展示

火警調查犬及輕型滅火機械人展示

防災應急教育

攤位遊戲

到時見啦！