暑假想帶小朋友過一個有意義嘅週末？Parents Daily聯同MegaBox舉辦【Summer Kids Market 小小檔主・親子創意市集】！

活動以「by kids, for kids」為概念，邀請多間幼稚園同小學嘅同學仔化身「小小檔主」，連續三個週末親手經營攤位、展示創意發明同主持遊戲！ 一齊嚟睇吓 Week 1（7月25-26日） 有咩精彩學校攤位同好玩焦點啦！

Week 1 參展學校全名單

第一週嘅陣容非常鼎盛，集合咗多間幼稚園同小學！包括：港青基信幼稚園（啟晴）、中華基督教會灣仔堂基道小學、藍田靈糧幼稚園、港澳信義會錫安紀念幼稚園、基督教宣道會香港區聯會將軍澳宣道幼稚園、崇真會美善幼稚園、東華三院何藍瓊纓幼稚園、光愛樂幼稚園（安泰）以及寶安商會溫浩根小學。

Week 1 精選攤位推介

港青基信幼稚園（啟晴） —— 挪亞方舟大冒險

攤位背景係一艘超吸睛嘅挪亞方舟！ 小朋友要手握精美嘅環保紙皮迷宮盤，透過左右傾斜控制平衡，成功將動物扭蛋由「起點」引導去到終點方舟入口，超級考驗眼手協調！

港澳信義會錫安紀念幼稚園 —— 療癒系香草包 DIY

大自然氣息搬到室內！ 小朋友可以用學校親自種植嘅新鮮香草（如薄荷、紫蘇、香茅等），親手製作一個獨一無二、香氣撲鼻嘅香草包帶返屋企！ 寶安商會溫浩根小學 —— 七彩手鐘音樂會邊個話學樂器好難？ 呢度將樂譜化成七彩繽紛嘅音符，小朋友只要利用貼上顏色Label嘅手鐘，就可以一齊合作演奏出耳熟能詳嘅兒歌，化身音樂小達人！

基督教宣道會香港區聯會將軍澳宣道幼稚園 —— DIY 蝶古巴特小手袋

動手發揮創意！ 小朋友可以挑選自己鍾意嘅圖案剪剪貼貼，親手製作一個獨一無二嘅特別小手袋，帶出街實用又吸睛！仲有更多精彩嘅學校攤位遊戲等緊你嚟玩，記得到場發掘更多驚喜同樂趣！

* 換領代幣及禮物攻略

- 如何參加：每次遊戲需1個代幣，前往活動現場接待處領取遊戲券及兌換代幣，即可挑戰各校攤位、收集印章換領豐富禮品！

- 集印花換禮物：玩遊戲集齊印仔，即可換領精美禮物！

今個盛夏，一齊嚟MegaBox支持各位「小小檔主」，大手拉小手過一個充滿收穫嘅週末！約定大家，不見不散！